Қазақстан-2050 | Президент сайты | Үкімет сайты | Парламент сайты | Түркістан облысы әкімдігі сайты
Қазақша Русский

Сұрақ-Жауап

Сұрақ-Жауап


06.08.2020
Арымбаева акмарал абаевна
Шымкент қаласы Катын копр уч.2637
Менің ұлым Маяқұм ауылдық округі Ш.Уәлиханов мектебінде оқиды. Биыл Шымкент қаласына ауыстыру үшін Ш.Уалиқанов мектебіне 28.08.2020 жылы сұраныс жолданған. Аталған ауыл округі мектебінің директоры жоқ және уақытша міндетін атқарушы бекітілмеген осы себепті баланың құжатын алуға мүмкіндік жоқ. Осы себепті баламызды қалаға ауыстыра алмаудамыз. Маған құжатты қысқа мерзімде алуға сонымен қатар, мұндай кемшіліктерді қатаң бақылауға алу қажет деп санаймын.

Ответ:

Шымкент қаласының тұрғыны Ақмарал Абайқызы Арымбаеваға!

Құрметті Ақмарал Абайқызы!

Сіздің Отырар ауданы әкімдігінің ресми сайтында жолдаған шағымыңызды басшылыққа ала отырып, Отырар аудандық білім бөлімінің «Ш.Уәлиханов атындағы жалпы орта мектебі» КММ-не толықтай анықтамалық-талдау жұмыстары жүргізілді. Сіздің тарапыңыздан ешқандай да өтініш немесе сұраныс түспеген.

Аталған мәселеге байланысты қосымша мәліметтерді Отырар аудандық білім бөлімінің 8(72544)2-14-51 байланыс нөмері арқылы алуыңызға болатындығын хабарлаймын.


01.08.2020
Марат
Қостүйін ауыл тұрғыны
Құрметті Әбдіғали Айтжанұлы! Сізден Қостүйін ауылымен Арыс-Шәуілдір тас жолына барып қосылатын жол саламыздеп бастаған жол құрлыстары мүлдем тоқтап тұр және де тегістеген жолымен сапасыз төгілген төсеген тастары тас деп айтуға келмейді кілең топырақ бақылаусыз қалғанқадағалау жоқ бұндай жұмыстарға қаншалықты шыдауға болады. Сондай-ақ елімізде таралған індеттің таралуына байланысты жақын маңдағы ауруханаға немесе аудан орталығына жету қиндық туындатады. аталған мәселе бойынша тиісті шара қолдануызды сұрайм. Қажетті шаралар қолданылмаған жағдайда Призидент әкімшілігіне шағымдануға мәжбүрмін. құрметпен ауыл тұрғыны Марат.

Ответ:

Отырар ауданы әкімдігінің ресми интернет-ресурсына Қостүйін елді мекенінен Марат есімді азаматтың (кіріс - 03.08.2020 жылғы №4262) жолдаған сауалына төмендегіше мәлімдеймін.

Қарақоңыр ауыл округі, Қостүйін елді мекеніндегі кіреберіс көшеге 2020 жылы ағымдағы жөндеу жұмыстары жүргізілді. Ағымдағы жөндеу жұмыстарының келісім-шарты бойынша аяқталу мерзімі 31 тамыз 2020 жыл. Қазақстан Республикасының қолданыстағы заң және мердігер мекеме арасында жасалған келісім-шарт талаптарына сәйкес, мердігер мекеме орындаған жұмыстарына 3 жыл мерзімге кепілдеме береді.

Осыған орай, Қостүйін елді мекеніндегі кіреберіс көшеге жүргізілген құрылыс жұмыстары тапсырыс беруші тарапынан бақылауға алынған. Құрылыс жұмыстары барысында жіберілген кемшіліктер мердігер мекеме тарапынан қалпына келтіру жұмыстары жүргізіледі.

Аталған мәселеге байланысты қосымша мәліметтерді Отырар аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің 8(72544)2-13-78 байланыс номері арқылы алуыңызға болатындығын хабарлаймын.


22.04.2020
Ыбырайым Нурлан
Отырар ауданы Арыс ауылы
Саламатсыздар ма. Осы ЧП кезінде көп балалы аналарға және соңғы тоқсанда АСП алғандарға соц. Пакет 6 жастан аскан отбасы мүшелеріне көмек беріледі деп еді. Соны қалай аламыз. Нур Отаннан сураксак әкімшілік тізім береді дейді. Осы сұрақтарға жауап алсақ болама.

Ответ:

Отырар ауданы, Отырар ауыл округі, Арыс ауылының тұрғыны Ыбырайым Нұрланға

Сіздің Отырар ауданы әкімдігінің ресми сайтында әлеуметтік пакет алу жөнінде сұраған сауалыңызға сәйкес төмендегіні хабарлаймын:

2020 жылдың  1-тоқсанында атаулы әлеуметтік көмекке берген өтінішіңізге сәйкес сізге 76935 теңге тағайындалған. 1-6 жас аралығындағы ұлдарыңыз Қожахметяр Дінмұхаммед және Қожахметяр Серікболсынға кепілдендірілген әлеуметтік топтама азық-түлік жиынтығы және тоқсанына 1 мәрте берілетін  тұрмыстық химия тауарлар  жиынтығы, жалпы соммасы 31812 тенгенің әлеуметтік пәкеттері  берілді. Ал 6 жастан асқан қыздарыңыз Қожахметяр Инабат және Қожахметяр Аидаға оқу орнынан берілуі тиіс ыстық тамақ орнына төтенше жағдайға байланысты наурыз және сәуір айларына 5567 теңгеден 22268 теңге көлемінде жәрдемақы берілді.

Төтенше жағдайға  байланысты   1 тоқсанда алған атаулы әлеуметтік көмегі  5 пайыз өсіміменен пролонгация жасалынып 2 тоқсанға 80781 тенге тағайындалды.

 2020 жылдың 2-тоқсанына арналған 1-6 жас аралығындағы балаларға арналған кепілдендірілген пакет мамыр айының соңына дейін жеткізілетін болады. 6-18 жас аралығындағы балаларға арналған мамыр айына арналған пакет азық-түлік жиынтығы ретінде жеткізілетіндігін түсіндіремін.

Жұмыспен қамту және әлеуметтік бағдарламалар бөлімінің бас маманы А.Сүлеймен

8725-44-21003


12.03.2020
Турар
Утрабат
Көлік көпірі құлауға жақын тұр,осыны жөндеп берсеңіздер

Ответ:

Отырарбат ауылының тұрғыны Т.Әлімге

Отырар ауданы аумағындағы ішкі көшелерге жөндеу жұмыстары маңыздылығына қарай кезең-кезеңімен жүргізілуде.

 Темір ауыл округі, Отырабат ауылына кірме жол бойында орналасқан көпірге жөндеу жұмыстарын жүргізу үшін жобалық сметалық құжат әзірленуі қажет. Осыған орай, аталған жолға жобалық сметалық құжат дайындауға кажетті қаржы көлемі анықталып, жобаны 2021-2022 жылдар аралығында іске асыру мақсатында бюджеттен қаржыландыруға ұсынылатындығын хабарлаймын.


Back to Top