Открыть меню Поиск
СМИ о нас
Официальный Интернет-ресурс

Акимат Отырарского района


Задать вопрос

Задать вопрос Акиму


07.03.2018
Дайрабаев Мұратхан Дайрабайұлы
ОҚО, Отырар ауданы, Шәуілдір ауылы, Бимырзаев көшесі 15үй
Құрметті Ерлан Қуанышұлы! ҚР жергілікті мемлекеттік басқару және өзін-өзі басқару туралы ҚР 2001 жылғы 23 қаңтардағы Заңының 31 бабына, Шәуілдір ауылының тұрғыны М.Дайрабаевтың 11.05.2017жылғы өтінішіне сәйкес аудан әкімдігінің Қаулысы негізінде, Отырар ауданы, Шәуілдір ауылы, Жібек жолы даңғылы №10А мекенжай бойынша кафе, бильярд, әсемдік салоны, тойхана, дәмхана, дәріхана, дүкен және кеңсе құрылыс жұмыстарын жүргізуге рұқсат берілген болатын. Құрылыс сызбасы және де құрылысты бастауға толықтай дерлік құжаттардың дайын болғанына бір жыл көлемінде уақыт өтті, алайда аталған мекен жай бойынша баратын жол жоқ. ОҚО құрылыс, сәулет және қала құрылыс бөлімі 02.10.2017ж рұқсат берген. Ол туралы Отырар аудандық тұрғын үй коммуналдық шаруашылық, жолаушылар көлігі және автомобиль жолдары бөлімі мекемесіне жол ашып беру туралы хат жолдасақ, аудан әкімдігінің рұқсаты жоқ деп мәлімдеуде. Сонда мен заң жүзінде барлық құжаты бар өз меншігімдегі жер учаскесіне барар жол жоқ болғандықтан, тікұшақпен ұшып баруым керек пе? Осы сұрақ бойынша маған жауап беруіңізді сұраймын. Жер учаскесінің кадастрлық нөмірі 19-294-042-534 Жер учаскесінің алаңы 0,2500ГА

Ответ:
Сіздің аудан әкімінің сайтына берген кірме жол ашу туралы сауалыңызға сәйкес, төмендегіні хабарлаймын.
Отырар ауданы, Шәуілдір ауылы Жібек жолы даңғылы №10А мекен жайында орналасқан нысаныңыз республикалық маңыздағы авто жол (Р-31) болуына және аудан әкімдігінің теңгерімінде болмауына байланысты кірме жол ашуға аудан әкімдігінің құзіреттілігі жоқ екендігін хабарлай отырып, аталған авто жол «ҚазАвтоЖол ҰҚ» АҚ-ның ОҚО филиалының теңгерімінде екендігін мәлімдеймін.
Аудан әкiмiнiң орынбасары Ә.Жүнісов

01.02.2018
Нарбекова Баян Мамырбековна
Отырар ауданы
Сәлеметсіз бе Ерлан Қуанышұлы! Менің сізге сұрағым, Отырар аудандық жылу жүйесімен жеке кәсіпкер Дайрабаев М.Д қарамағындағы Қаппар моншасы келісім-шартқа тұрған болатын. Айына 250 000т көлемінде. Мен уақытылы төлеп отырмын, ал жылу жүйесі басшысы Уркумбаев Сабит ар апта сайын келіп ыстық суды өшіруде. Менің тарапымнан төлем жағынан еш бұзушылықтар болмаған. Алайда неліктен төлеп отырмын ыстық суға? Келісім-шарт негізінде жұмыс жасап отырғандықтан, жылу жүйесі тарапынан бұндай әрекеттерді қарастырып, Бұл монша халық үшін салынған болғандықтан, осы мәселені шешіп беруіңізді сұранамын.

Ответ:

Құрметті Баян Мамырбекқызы!

Сіздің 01.02.2018 жылғы Отырар ауданы әкімдігінің ресми интернет ресурсында менің блогыма жазған жазбаңызға байланысты мәлімдеймін.

Қаңтар айының үшінші он күндігінде ауа температурасы күрт төмендеп, жылы суға деген қажеттілік мөлшері артып отыр. Биылғы қыс мезгілі көп қабатты үй тұрғындары үшін, әсіресе жас балалы аналар мен науқас қарттарға қолайсыздық тудырып, денсаулықтары сыр беруде.

Өзіңізге белгілі, аудан орталығындағы көпқабатты тұрғын үйлер мен мекеме ғимараттары термалды жерасты суларымен жылытылады. Бүгінде ауданымыздағы термалды жерасты суын дебеті азайып, қысымы төмендеген. Термалды су мөлшерінің жеткіліксіздігінен тұрғын үйлерді жылыту мүмкіндігі төмен болып отыр.

Осыған орай, бірінші кезекте тұрғындардың саулығы үшін жылу беру басымдығын тұрғын үйлерге бағыттауға (амалсыздан) мәжбүрміз. Осы бағытта тиісті жоспарлы жұмыстар тұрақты түрде жүргізіліп келеді.

Сіз айтқан мәселеге сәйкес, жеке кәсіпкер М.Дайрабаев пен «Отырар-Жылу» мекемесі 2017 жылдың 30 қазан күні №7 келісім-шартқа отырған. Жылу жеткізуші мен тұтынушы арасында түзілген келісім-шартта жылу жеткізуші ғимаратты жылу энергиясымен қамтамасыз ету көрсетілген.

Жеке кәсіпкер М.Дайрабаевтың тарапынан С.Үркімбаев басқаратын «Отырар жылу» мекемесіне төленген 250 мың теңге көлеміндегі төлемақы туралы ұсынысыңызға сәйкес қолданыстағы заң нормалары аясында зерделеу жұмыстары жүргізілді. Атап айтқанда, жылу жеткізуші Сіздің кәсіпкерлік нысандарыңызға жылыту мен сарқынды су (канализация) қызметі үшін төлемақы алып келді. Өнім беруші келісім-шарт бойынша демалыс кешеніне жылу жеткізу үшін алдағы уақытта да жұмыс жасай береді.

Қазіргі жағдайды ескере отырып, жылуға берілген суды апта соңына дейін жинақтап, тек сенбі-жексенбі күндері 1 ай көлемінде уақытша түзілген кестеге сәйкес түсіністікпен жұмыс жүргізуді ұсынамыз. Аптаның қалған күндері жылу тұрғын үй массивіне бағытталатын болады.

Отырар ауданының әкімдігі әрдайым жергілікті кәсіпкерлерге қолдау көрсетеді. Жергілікті әкімдік кәсіпкерлерді қолдау мақсатында бұдан ары қарай өз жұмысын жалғастыра бермек.

Ауданымыздағы зиялы қауым өкілінің бірі ретінде Сізге мән-жайға түсіністікпен қарауға шақыра отырып, мәселенің тек қана «Қаппар» демалыс кешенінде емес, барлық мекемелерге қатысты болуда.

Сізді ауданымыздың әлеуметтік-экономикалық дамуына қосып келе жатқан үлесіңіз үшін алғысымды білдіре отырып, осы мәселеге түсіністікпен қарап,бірлесе жұмыс жүргізуге шақырамын!

 

Анар
Око коксарай
Дцп ауыратын балаларга кандай комек бериледи ауданнан.кым жауапты бул. СУракка.

Ответ:

Отырар ауданы, Көксарай ауыл округінің тұрғыны Анар Маханбетованың сұрағына сәйкес төмендегі мәліметті жолдаймын.

Анар Маханбетованың қызы Дербісбек Ғазизат Медеубекқызы, 11.03.2017 жылы туылған, сырқаты балалардың сал ауруы. Медициналық-әлеуметтік сараптама бөлімінен ұсынылған жеке оңалту бағдарламасына сәйкес 10.11.2017 жылы өтініш беріп гигиеналық құралдармен қамтамасыз етілген. Жеке оңалту бағдарламасында көрсетілген үйде арнаулы қызметін бала бір жарым жастан асқаннан бастап қабылданады.

Қазақстан Республикасы Денсаулық сақтау және әлеуметтік даму министрінің 2015 жылғы 26 наурыздағы № 165 бұйрығына 3-қосымша Халықты әлеуметтік қорғау саласында үйде қызмет көрсету жағдайында арнаулы әлеуметтік қызмет көрсету стандартына сәйкес аудан бойынша 90 мүгедектігі бар балалар арнаулы күтімге алынған. Жергілікті бюджет есебінен осы арнаулы күтімдегі балаларға Жаңа жылдық мерекеге орай іс-шара ұйымдастырылған.

«Үйде әлеуметтік қызмет көрсету» КММ

Қосымша сұрақтармен мына телефондарға хабарласыңыз.

Отырар аудандық жұмыспен қамту және әлеуметтік бағдарламалар бөлімі. Тел.: 22-3-43

«Үйде әлеуметтік қызмет көрсету» КММ. Тел.: 21-1-70


Анар маханбетова
Коксарай ауылы
Дцп ауыратын балага жана жылга сыйлыктар жасаладыма

Ответ:

Отырар ауданы, Көксарай ауыл округінің тұрғыны Анар Маханбетованың сұрағына сәйкес төмендегі мәліметті жолдаймын.

Анар Маханбетованың қызы Дербісбек Ғазизат Медеубекқызы, 11.03.2017 жылы туылған, сырқаты балалардың сал ауруы. Медициналық-әлеуметтік сараптама бөлімінен ұсынылған жеке оңалту бағдарламасына сәйкес 10.11.2017 жылы өтініш беріп гигиеналық құралдармен қамтамасыз етілген. Жеке оңалту бағдарламасында көрсетілген үйде арнаулы қызметін бала бір жарым жастан асқаннан бастап қабылданады.

Қазақстан Республикасы Денсаулық сақтау және әлеуметтік даму министрінің 2015 жылғы 26 наурыздағы № 165 бұйрығына 3-қосымша Халықты әлеуметтік қорғау саласында үйде қызмет көрсету жағдайында арнаулы әлеуметтік қызмет көрсету стандартына сәйкес аудан бойынша 90 мүгедектігі бар балалар арнаулы күтімге алынған. Жергілікті бюджет есебінен осы арнаулы күтімдегі балаларға Жаңа жылдық мерекеге орай іс-шара ұйымдастырылған.

«Үйде әлеуметтік қызмет көрсету» КММ

Қосымша сұрақтармен мына телефондарға хабарласыңыз.

Отырар аудандық жұмыспен қамту және әлеуметтік бағдарламалар бөлімі. Тел.: 22-3-43

«Үйде әлеуметтік қызмет көрсету» КММ. Тел.: 21-1-70


© 2017

Официальный Интернет-ресурс

Акимат Отырарского района