Қазақстан-2050 | Президент сайты | Үкімет сайты | Парламент сайты | Түркістан облысы әкімдігі сайты
Қазақша Русский

2021 жылы 700 мың азамат пәтер сатып алу үшін зейнетақы жинағын пайдалана алады

            700 мың қазақстандық 2021 жылдан бастап тұрғын үй сатып алу үшін зейнетақы жинақтарын пайдалана алады, деп мәлімдеді Қазақстан Президенті Қасым-Жомарт Тоқаев биылғы Қазақстан халқына Жолдауында, деп хабарлайды zakon.kz.

             - Азаматтардың әлеуметтік әл-ауқаты. Бұл - біздің басты басымдығымыз. Бұл, ең алдымен, тұрғын үй мәселесімен тығыз байланысты. Нарық жағдайда азаматтардың тұрғын үй мәселесінің шешімі кірісінің көлемі мен осы мәселені өз бетінше шешу мүмкіндігіне негізделген, - деді Мемлекет басшысы.

            Ол өзінің нұсқауы бойынша халықтың пәтер мәселесін шешу үшін зейнетақы жинақтарының бір бөлігін пайдалану жайы пысықталғанын баса айтты.

             - Бұл, әсіресе, қазіргі жағдайда өте маңызды. 2021 жылдың өзінде 700 мың БЖЗҚ салымшылары жинақтарының бір бөлігін тұрғын үй сатып алуға, емделуге немесе салымын басқару үшін қаржы компанияларына беру үшін пайдалана алады. Осыған байланысты мен Үкіметке Ұлттық банкпен бірге барлық қажетті нормативтік құқықтық актілерді қабылдауды және осы жылдың аяғына дейін дайындық жұмыстарын жүргізуді тапсырамын, - деді Тоқаев.

            Бұл реформа, оның айтуынша, еңбек қатынастарын бағалаудың тиімді құралына айналады.

             - Тұрғын үй мәселелерін дербес шешу үшін табысы жеткіліксіз азаматтарға тиімді әлеуметтік қолдау көрсетіледі, - деп сөзін аяқтады Қазақстан Республикасының Президенті

Back to Top