Открыть меню Поиск
СМИ о нас
Ресми Интернет-ресурс

Отырар ауданының әкімдігі


ӘЛЕМ ТАНЫҒАН – ОТЫРАР!

Елбасымыз Нұрсұлтан Назарбаевтың «Болашаққа бағдар: рухани жаңғыру» атты бағдарламалық мақаласында көтерілген «Қасиетті Қазақстан» жобасына енген Арыстанбаб кесенесі мен тарихы терең Отырартөбе қалажұрты елдің назарында. Және мемлекет басшысы шикізатқа тәуелділіктен арылып, ел бюджетін туризм арқылы толтыру мақсатында туризм кластерін дамыту жөнінде тапсырма берген болатын. Осыған орай Отырар ауданының әкімдігі ҚР Мәдениет және спорт министрлігімен бірлесе отырып, жоғарыда аталған екі нысанның айналасын абаттандыруды қолға алып, жұмысты бастап та кетті. Ауқымды жоба туристерге қолайлы жағдай тудырып, аудан бюджетін толықтыра түсуге қызмет етеді.
Бүгін ҚР Сыртқы істер министрлігінің өкілі Дания Ақпанбет пен Түркістан облыстық ішкі саясат басқармасының бөлім басшысы Дамир Жүнісовтер бастап келген шетелдік БАҚ өкілдерін аудан әкімі Ерлан Айтаханов қазақы дәстүрмен қарсы алды.
Ұлыбританиялық «The Calvert Journal» журналынан Надя Бирд (Nadia Beard), «Saga Magazine» журналынан Шэрон Елизабет Эмос (Sharon Elizabeth Amos), индонезиялық Indonesia Tatler газетінен Ливиани Синтьяна (Liviani Cinthyana), италиялық AGIR агенттігінен Куиндалина Фиаменнеги (Guendalina Fiammenghi), қытайлық «Global Times» Лили Жан Ю (Lilly Zhang Yu), кореялық «International Policy Digest» агенттігінен Джон Лиман(John Lyman), польшалық «Turystyka.rp.pl» ақпарат агенттігінен Анна Клоссовка (Anna Kłossowska), франциялық «Agora Voxlemédiacitoyen» медиа арнасынан Паулин Гавриловтар (Pauline Gavrilov) Отырар мемлекеттік археологиялық қорық-музейін аралап, өлке тарихымен терең танысты.
Мәртебелі меймандарға Арыстанбаб кесенесінің архитектуралық пішіні де ұнап, тарихы да қызықтырды. Музей қызметкері Нұрсейіт Әмзе Отырардың шынайы тарихы мен Арыстанбаб туралы аңыздарға тоқталып, ағылшын тілінде түсіндіріп өтті.
Мұнан соң құрметті қонақтар ұлттық тағамдар қойылған дастарханнан дәм татып, отырарлық өнерпаздардың ән-жырына сусындады.
Қонақтар жолға аттанар алдында аудан басшысы үш тілде жарық көрген «Отырар жәдігерлерлері» кітабын сыйға тартты.

© 2017

Официальный Интернет-ресурс

Акимат Отырарского района